Вось і завяршыўся першы Чэмпіянат РБ па арыентаванні на роварах. Два дні цяжкай, але цікавай барацьбы з супернікамі і з самім сабой прайшлі на адным дыханні. Як вынік - першымі чэмпіёнамі РБ і на сярэдняй і на доўгай дыстанцыях сталі Святлана Арлова і Маргус Халлік. Таксама адзначыліся сярод прызёраў Настасся Дамашэвіч, Васіліса Чэркас, Аляксандр Мінчукоў і Сяргей Салодкін. У камандным заліку перамагла зборная каманда Мінскай вобласці, на другую прыступку падняўся Клуб аматараў "Баклан", а замкнула тройку каманда Клуба арыентавання Беларускага Дзяржаўнага Універсітэта.